17. janúar 2012

Lopapeysudagur á Bóndadaginn.

Föstudaginn 20. janúar er Bóndadagurinn, fyrsti dagur Þorramánaðar skv. gamla  íslenska tímatalinu. Þorrinn er persónugerður sem vetrarvættur í sögnum og tengist í hugum margra frosti og kulda. „Nú er frost á Fróni, frýs í æðum blóð“. Af þessu tilefni ætlum við að hafa þjóðlegan og hlýlegan dag hér í Grandaskóla á Bóndadaginn og hvetjum starfsfólk og nemendur til að koma í lopapeysum eða öðrum þjóðlegum flíkum, í skólann á föstudaginn kemur.