Foreldrafundir 06-07
Foreldrafundur haust 2007
Foreldrafundir haust 2008

Foreldrafundir 2010

Foreldrafundir 2011

Könnun mars 2006
Könnun haust 2006
Könnun haust 2007
Könnun haust 2008

Könnun haust 2009

Könnun haust 2010

Skólalóðin
Á skólaárinu 2004-2005 fór fram vitundarvakning meðal starfsfólks skólans um einelti. Eftirlitskerfi skólans var tekið til endurskoðunar og endurskipulagt. Í kjölfar könnunar sem var lögð fyrir nemendur í febrúar 2005 kom í ljós að nemendur verða fyrir töluverðu einelti á skólalóðinni. Umræðuhópar veltu fyrir sér hvernig best væri brugðist við þessum vanda og komust að þeirri niðurstöðu að til að tryggja örugga gæslu í frímínútum þyrfti að ganga úr skugga um að öll svæði í kringum skólann væru mönnuð. Starfsmönnum er raðað á ákveðin svæði og er sú uppröðun sett fram myndrænt á kaffistofunni. Með því móti er gengið úr skugga um að öll svæði séu mönnuð og forföll dekkuð ef svo ber undir. Til þess að nemendur geri sér grein fyrir því hvert þeir geti leitað í frímínútum eru allir sem eru í útigæslu í gulum úlpum eða gulum vestum.                                                                                                                                                                                  til baka

Skráningarkerfi
Skráningarkerfi skólans hefur einnig verið tekið til endurskoðunar. Þó að mentor.is sé góður til síns brúks þá hafa ekki allir starfsmenn aðgang að honum og tölvur eru ekki alltaf tiltækar þegar á þarf að halda. Útbúnir voru gulir miðar með lýsingum á atvikum og þ.h. Þessir miðar eru í gulu úlpunum, í íþróttahúsi og sundlaug. Einnig eru þeir í matsal og hægt að grípa í þá á göngum. Á þessa miða geta starfsmenn og kennarar skrifað athugasemdir um atvik sem henda utan kennslustofunnar og komið þeim til skila til umsjónarkennara. Atvik sem eiga sér stað innan kennslustofu eru skráð beint í mentor.is. Það fer eftir alvarleika málsins til hvaða ráða er gripið, en mikilvægast í þessu ferli er skráningin. Með því að skrá atvikin er hægt að fylgjast með tíðni og alvarleika bæði hjá geranda og þolanda.                                                                                                                                                            til baka

                                                                                                                                                                                  til baka

Foreldrafundir hjá bekkjarkennara
Í mars 2006 var foreldrum boðið á fræðslu- og umræðufundi í skólanum með starfsfólki skólans um Olweusarverkefnið gegn einelti. Foreldrar fengu nokkrar spurnigar til að velta fyrir sér og var þeim skipt upp í litla umræðuhópa. Síðan skiluðu hóparnir niðurstöðum og ræddu sín á milli. Við hefðum gjarnan viljað sjá fleiri foreldra en þeir sem komu áttu saman áhugaverða kvöldstund þar sem margt gagnlegt kom fram og fengu þeir tækifæri til að skiptast á skoðunum og koma með tillögur um efnið. Hér má sjá helstu niðurstöður hópanna

1.bekkur   2.og 3. bekkur    4.bekkur   5. bekkur    6. og 7. bekkur                                                                                      til baka

Hvernig má bæta/auka samskipti milli foreldra innbyrðis og milli skóla og foreldra?

*Bekkjaferðir.
*Allar uppákomur sem fá foreldra til að mæta sem tengjast börnunum
*Fá börnin til að kynna foreldra sína eða að fá foreldra til að koma og kynna sitt starf.
*Fá að koma í heimsókn í skólann á meðan kennsla er í gangi
*Búa til vinahópa – blanda saman úr hópunum. Foreldrar kynnast síðan í gegnum þessa hópa og starfa saman.
*Búa til samskiptanet – sem nota má í vetrarfríum

Hvað geta foreldrar gert til að fyrirbyggja einelti í bekk?

*Vinahópar meðal krakkanna.
*Ræða við börnin, fylgjast með, spyrja, hlusta.
*Kynna sér Olweus áætlunina – vera meðvituð.
*Ekki hugsa bara: “Mitt barn er ekki í svona”.
*Vera í góðu sambandi við kennarann.
*Foreldrar mættu vera duglegri að sitja kennslustundir og kennarar að hvetja foreldra til þess
*Að foreldrarnir kynnist – vinahópurinn góð leið til þess.
*Endalaus “innræting” að kenna börnunum að vera góð – nota dæmisögur.
*Tala um það við börnin að vera góð hvert við annað.
-spurning með stelpur/strákar. Þarf kannski að tala öðru vísi við stelpur en stráka?
-ræða um það við börnin hvernig þau upplifa sig í hópi.

Hvað geta foreldra gert ef einelti kemur upp í bekk?

*Fundur/umræður – draga sem flesta inn.
*Ræða við börnin þó það varði ekki þau beint.
“Hvað er einelti?” Upplifun einstaklingsbundin.
*Mikilvægt að börnin finni að það sé eitthvað gert.
*Markvissir vinahópar
*Mikilvægt að hafa góða gæslu í frímínútum.

Hver ættu viðurlög að vera við því að leggja í einelti?

Að þau viti að það verði rætt við foreldra varðandi þessa hegðun.

                                                                                                                                                                                            til baka

Olweus – foreldrafundur í 2. og 3. bekk

Hvað geta foreldrar gert til að fyrirbyggja einelti í bekk

1. Bekkjarkvöld (samverustundir með foreldrum) eru góð,
2. Nota mentor meira, tölvupóstur og fréttabréf.
3. Íþróttamót með foreldrum og börnum: leikir.
4. Fá foreldra í skólann til að aðstoða.
5. Starfskynningar foreldra.

Hvað geta foreldrar gert ef einelti kemur upp í bekk?

1. Tilkynna eineltið til kennara.
2. Ræða við barnið: er barnið gerandi eða þolandi?
3. Ef ekki – almenn fræðsla, kenna barninu að taka afstöðu gegn einelti.
Koma á fundi með hlutaðeigandi foreldum og kennara. Mikilvægt að foreldrar gerandans átti sig á stöðunni.

Hver ættu viðurlög að vera við því að leggja í einelti?

1. Hvorki niðurlægjandi eða niðrandi fyrir gerendur
2. Fer eftir aldri barnsins
3. Hversu alvarlegt brotið er og hversu ítrekað
4. Taka einhver fríðindi:
   1.brot: tiltal með nemendum og foreldrum
   2.brot taka einhver fríðindi
   3.brot brottvísun úr skóla ( tímabundið) rauð spjöld og sérmeðferð

Hvernig ætti að bæta /auka samskipti milli foreldra innbyrðis og milli skóla og foreldra

1. Öflugt bekkjarstaf í samstarfi foreldra leiðir til góðs bekkjaranda, einnig þarf skýrar reglur um bekkjarafmæli.
2. Vera jákvæður gagnvart skóla og bekkjar félögum.
3. Ræða við barnið um gildi vináttu og hvernig maður kemur fram við aðra

Hvað geta foreldrar gert þegar einelti kemur upp?

o Foreldrar hafi strax samband ef vandi kemur upp.
o Fundur í skóla með kennurum erfitt að hitta aðra foreldra beint.
o Samstaða foreldra– foreldrafundir.
o Eftirfylgni
o Foreldrar hafi smaband sín á milli.
o Mikilvægt að geta notað tengsl við foreldra, skóla og kennara
o Tala við kennara.

Hvað geta forledrar gert til að fyrirbyggja einelti?

o Fræðsla og ræða málin við börnin.
o Fá börnin sem eiga hlut að máli til að hittast með foreldrum og útkljá málin
o Gott bekkjarstarf
o Foreldrar hittist á spjallfundum – þekki hvern annan.
o Viðræður við börnin – einstaklingar mismunandi
o Tala um umburðarlyndi við börnin

Viðurlög við einelti

o Taka til og ganga frá
o Samfélagsþjónusta við skólann
o Sækja börnin – taka e-ð sem er barninu mikilvægt tímabundið í burtu s.s. tölvuleikir.
o Reyna að setja gerendur í spor þolenda
o Hópur ræður í bekknum
o Eftirfylgni með gerendur- eftirfylgni- þátttaka forledra.

Hvernig má bæta samskipti milli foreldra?

o Betra að foreldrar innan bekkjarins þekkist
o Almennt betra að þekkjast vinahópar
o Halda bekkjarkvöld – bara foreldrar!!
o Allt upplýsingaflæði er af hinu góða
o Bekkjarkvöld – Foreldrakvöld ( Partý)
o Tómstundir
o Foeldrarfundir oftar – stuttir.

Hvernig má bæta samskipti milli foreldra og skóla?
o Foreldrar þekkja sjaldan sérkennara

                                                                                                                                                                                  til baka

Olweus foreldrafundur í 5. bekk

Hvað geta foreldrar gert til að fyrirbyggja einelti í bekk?

Að ræða við börnin um einelti og útskýra í hverju það felst. Hvað er einelti?
Aldrei talað of mikið við börn.
Kenna sínu eigin barni hvað má og hvað má ekki í þessu samhengi.
Ræða við börnin okkar um kurteisi og æskilega og óæskilega hegðun.
Fylgjast með, hlusta, skynja, gefa sér tíma.
Vera virkur hlustandi.

Að kenna þeim að bregðast við ef þau sjá einelti. Hvetja þau til að tala við fullorðna ef þau verða vitni að einelti. Ef upp kemur einelti þá þekkist að vinahópar hafi gefst vel.
Ræða mikilvægi þess að vera ekki gerandi.
Gera börn meðvituð frá byrjun, láta þau æfa sig í að vera í sporum þolenda.
Hjálpa þeim að skilja sögurnar sem þau heyra ”dempa” þær.

Foreldrar ræði saman, góð samskipti við kennara. Foreldrar verða að forðast að fara í vörn, ræða málin með opnum huga. Tryggja að börnin viti að við fylgjumst með og erum í samskiptum við kennara og aðra foreldra.
Foreldrar hafa samband við kennara ef þeir þykjast verða varir við eitthvað sem gæti verið einelti eða þróast út í það. Foreldrar hafa oft áhyggjur án þess að hafa beinar sannanir.

Hafa eftirfylgni í lagi er eitthvað kemur upp

Athuga bloggsíður

Hvað geta foreldrar gert ef einelti kemur upp í bekk?

Foreldrar verða að hittast og ræða saman með kennara og kryfja málin. Boða foreldra allra barna á fund þar sem farið er yfir stöðuna. Foreldrar allra í bekknum ræði við sín börn. Foreldrar gerenda mæti í bekkjarkennslu og sitji sem hlustendur.

Ræða við sitt eigið barn, láta skólann og aðra foreldra vita. Opna umræðu um að ekki sé allt í lagi þannig að málið sé sett í farveg. Spurning um hvort einstakt ”lítið” tilvik sé að ræða – kannski hægt að kæfa málið strax í byrjun.

Kalla saman gerendur og þolendur með foreldrum strax eftir fyrsta brot.

Styðja við þolanda, jákvæð og uppbyggileg samskipti.

Hver ættu viðurlög að vera við því að leggja í einelti?

Mikilvægara að reyna að komast að rót vandans og leysa málið og fylgja því eftir með viðeigandi eftirliti frekar en að refsa geranda.

Það þyrfti að vera góð samvinna milli heimis og skóla, sömu viðurlög gilda á báðum stöðum. Viðkomandi þurfi að standa upp fyrir framan sinn bekk og viðurkenna gjörðir sínar, við ítrekuð brot. Erfitt að finna eina lausn sem hentar fyrir alla. Kalla saman foreldra og börn, gerendur og þolendur og láta þau ræða málin varðandi stærri brot.

Kippa geranda út úr hópnum, ef menn taka ekki sönsum. Ef í þrígang þá veit viðkomandi að visst ferli fer í gang, einhvers konar straff. Auka fræðslu til foreldra og barna. Leggja áherslu á að allir séu góðir við alla. Leiða saman þolanda og geranda ásamt foreldrum. Skilgreina gerendur.

Um mjög ólík brot að ræða. Sum eru stök önnur langvarandi, sum andleg önnur líkamleg, aldur geranda og þolanda mismunandi. Erfitt að negla niður, fyrst og fremst að láta fólk horfast í augu við afleiðingar eineltis.

Hvernig má bæta/auka samskipti milli foreldra innbyrðis og milli skóla og foreldra?

Auka samskiptin með því að hafa fundi með foreldrum í árganginum ”foreldrakvöld” reglulega t.d. einu sinni í mánuði. Hafa kennara með á foreldrakvöldum.

Erum á því að samskipti séu ansi góð – bekkjarkvöld, foreldrafundir mikilvægir og aðgangur að kennurum góður. Bekkjarkvöld eru nú þegar – t.d. félagsvist. Vinahópar með foreldrakaffi í lokin. Hittast á bekkjarkvöldum utan skóla – klifurhúsið – keila – skautar – golf. Foreldrarölt.
Mætti nota heimasíðu markvissar við ”frétta”miðlun svipað og verið hefur en meira. Að öðru leyti halda áfram því sem er gert með mentor, tölvupósti og símatímum.

Meiri hvatning fyrir foreldra að mæta á fundi. ”markaðsetja” fundarboðin betur! Bekkjarkvöld, gera eitthvað saman!

                                                                                                                                                                        til baka

Hvað geta foreldrar gert til að fyrirbyggja einelti í bekk?

Grundvallaratriði að foreldra tali við börn sín um eðlilegar samskiptareglur.
Að foreldrar séu meðvitaðir um og fái upplýsingar um reglur skólans (bæði skráðar og áskráðar) varðandi ýmis mál.
Efla samskipti foreldra þannig að þeir þekkist betur og muni því eiga auðveldara með öll samskipti sín á milli.

Hvað geta foreldrar gert ef einelti kemur upp í bekk?

Í fyrsta lagi að foreldrar fái góðar upplýsingar frá skólanum um málið.
Foreldrar þurfa að fá að vita af eineltinu og geta þá rætt við barnið sitt um málið.
Einnig geta foreldrar gerenda og þolenda hist.
Foreldrar geta óskað eftir fræðslu og leiðsögn um viðbrögð við eineltinu.
Foreldrar geta reynt að mynda vinahópa í bekk barna sinna.
Foreldrar geta þrýst á um að haldin séu kvöld með börnum og foreldrum þar sem eitthvað skemmtilegt er gert.

Hver ættu viðurlög að vera við því að leggja í einelti?

Frá skólanum: Viðtal-fræðsla við foreldra/barn , geranda og þolanda.
Hafa eftirfylgni ef lagast ekki.
Hafa bekkjarfund.
Heima: Tiltal-1,2,3
Takmarka t.d. tölvunotkun, sjónvarp, vasapening eða annað eftirsóknarvert. Standa við það!
Ef ástand batnar ekki þá koma m. barni í skólann. –Aðallega rætt sem leið við geranda.

Hvernig má bæta/auka samskipti milli foreldra innbyrðis og milli skóla og foreldra.

-Bekkjarkvöld
-Skemmtiferðir
-Fræðslufundir í bekk, ekki of formlegt t.d. 1 sinnum á önn um ákv. málefni,( t.d heimanám, stærðfræði, vetrarfrí, íþróttir…),hagsmunamál varðandi líðan barna. Eitthvað sem kennari telur að foreldra vita ekki.
-Foreldravinafundir, foreldrar hittist án barna til að kynnast.
-Skólinn hlusti á foreldra þegar eitthvað kemur uppá og hafi samráð við þá.
-Mikilvægt að verkferli sé ákveðið og foreldrar meðvitaðir um það.                                                                                                                                                                                                    til baka

Myndband
Í haust hófst vinnan í bekkjum skólans. Hún hófst með því að nemendur sáu myndband um einelti. Tilgangurinn með myndbandinu var að vekja tilfinningarlegan áhuga nemenda á viðfangsefninu og kenna þeim að þekkja helstu þætti eineltis. Í yngstu bekkjunum var leikritið Ávaxtakarfan sýnt í staðinn eða myndbandið um Litlu lirfuna ljótu. Í flestum bekkjum reyndist sýning myndbandsins áhrifarík þrátt fyrir að það sé komið til ára sinna.
Eineltishringurinn
Næst var nemendum sýndur eineltishringurinn og hann hjálpar þeim að átta sig á þeim hlutverkum sem einstaklingarnir leika þegar um einelti er til staðar. Eineltishringurinn vakti miklar umræður í mörgum bekkjum.
Bekkjarreglur
Næsta verkefni þar á eftir voru umræður í bekkjum um bekkjarreglur gegn einelti. Þá ræddu nemendur um hvaða reglur væri hægt að setja í bekknum gegn einelti. Það kemur ekki á óvart að reglurnar urðu mjög líkar í öllum bekkjum skólans. Reglurnar voru síðan hengdar upp í bekkjunum til að minna okkur á þær.     
Bekkjarfundir
Bekkjarfundir fléttast inn í Olweus áætlunina þar sem þeir eru notaðir sem tæki eða uppeldisfræðileg aðferð til að vinna gegn einelti og áþekkum vandmálum í bekkjum. Bekkjarfundir geta verið góð leið fyrir kennara til að kynnast nemendum sínum á annan hátt en honum gefst tækifæri til í venjulegri kennslustund. Bekkjarfundir þjálfa nemendur í að koma hugsunum sínum og skoðunum í orð. Á sama hátt þjálfa þeir nemendur í umræðum og/eða rökræðum um málefni sem varða þá sjálfa sem einstaklinga og nemendahópinn í heild. Á bekkjarfundum sitja allir í hring og hlýða ákveðnum reglum og fyllsta trúnaðar er gætt. Umræðuefnin geta verið margvísleg. Í Grandaskóla hafa allir bekkir haldið slíka fundi og í sumum bekkjum eru þeir haldnir vikulega.
Hlutverkaleikir
Farið er með nemendur í ýmsa leiki, sem byggja á upphitun og hópefli. Unnið er með kyrrmyndir þar sem hugtök á borð við gleði, þreytu, örvæntingu og ýmsar útgáfur af einelti eru settar á svið. Með því að nýta hlutverkaleiki, áhorf, umræður o.fl. er nemendum gert kleift að lifa sig inn í og öðlast tilfinningalegan skilning á ýmsum hliðum eineltisvandans. Flestir bekkir hafa farið í hlutverkaleiki á þessari önn.                                                                                                                                                                                 til baka              

Umræðufundir meðal starfsfólks
Í innleiðingarfeli Olweusarverkefnisins sátu starfsmenn skólans tvo umræðufundi í mánuði. Á þeim fundum fengu starfsmenn fræðslu um einelti og andfélagslegt atferli, birtingamyndir þess og viðbrögð við einelti þegar það kemur upp. Á þessum fundum var stuðst við handbók sem fylgir verkefninu. Á fundunum voru einnig verið rædd málefni sem varða Grandaskóla sérstaklega. Undir lok innleiðingarferlisins samþykktu umræðuhóparnir nýja eineltisáætlun Grandaskóla. Eftir innleiðingu eru umræðufundir haldnir fimm sinnum á hverju skólaári.

                                                                                                                                           til baka

Forvörn
Til að koma í veg fyrir einelti og byggja upp jákvæð samskipti nemenda þurfa kennarar og starfsmenn að tileinka sér samræmdar vinnureglur. Það felur í sér að beita sömu vinnubrögðum þegar grunur um einelti eða óviðunandi hegðun á sér stað.

     Öflug gæsla í frímínútum og allir starfsmenn sýnilegir.

     Gulir miðar – tæki til að efla upplýsingaflæði.

     Í ágúst er haldið námskeið fyrir alla nýliða í skólanum og þá sem voru í leyfi síðasta vetur.

     Fimm Olweusarfundir verða haldnir á skólaárinu, þrír á haustönn og tveir á vorönn.

     Mjög mikilvægt er að stöðug vinna eigi sér stað innan bekkjanna um samskipti og samskipatreglur. Til að stuðla það því er          mikilvægt að halda;

                   vinaviku að hausti
                   Olweusardag að vori.

Báðir þessir atburðir eiga að styrkja tengsl nemenda og efla samkennd þeirra. Á hverju hausti fá þessir dagar heiti t.d. vinnum saman, við erum öll blóm í sama potti, kærleiksdagur, verum vinir o.s.frv. Einnig er mikilvægt að:

                     Hver bekkur vinni að gerð bekkjareglna sem alltaf skulu innihalda bann við því að leggja í  einelti. Ef  bekkjareglur                             hafa  verið gerðar þarf á hverju hausti að rifja þær upp og ræða, einnig  þegar nýir nemendur koma í bekkinn.

                     Halda bekkjarfundi og nota þá sem leið til að taka á jákvæðum og neikvæðum málum sem koma  upp í bekknum.                             Þetta  skal gert a.m.k einu sinni í mánuði og er mjög öflugt tæki í lífsleiknikennslu.

                     Eineltishringurinn sé til staðar í hverjum bekk og sé notaður þegar samskiptaerfiðleikar koma upp. Nemendur þurfa                             æfingu í  því að staðsetja sig í erfiðum samskiptamálum.

                     Nota hlutverkaleiki til að hjálpa nemendum að sjá og skilja áhrif eineltis á líf okkar.

Í nóvember er Olweusarkönnun hjá í 4. – 7. bekk..

Foreldrafundir skulu haldnir tvisvar á ári til að efla samskipti heimilis og skóla.

                     Á haustönn halda árgangar minni fundi með foreldrum með áherslu á forvörn gegn einelti.

                     Á vorönn er haldinn sameiginlegur fundur þar sem könnunin er kynnt og jafnvel fyrirlestur.  Þetta öflug leið til að                            virkja foreldra til að bæta samskipti nemenda og gefur foreldrum kærkomið tækifæri til að vera samstarfsaðilar í                            baráttu skólans gegn einelti.

Skráning í Mentor – mjög mikilvægt að kennarar skrái í dagbók þau tilvik sem gætu bent til vandkvæða í samskiptum og hegðun     nemenda þeirra. Góð skráning er forsenda þess að faglega sé tekið á eineltis og agamálum.

Fyrstu viðbrögðsjá blað – “Fyrstu viðbrögð við atvikum sem geta bent til eineltis”
Næstu skref sjá blað – “Næstu skref ef einelti er staðfest”

Fyrstu viðbrögð við atvikum sem geta bent til eineltis

• Greina hvað er í gangi
      o ærslafullur leikur
      o alvöru slagur
      o stríðni
      o einsemd
      o einelti

• Hvernig
      o fylgjast vel með atburðum
      o hvernig eru samskiptin - tveir eða fleiri gegn einum
      o tjáning, orðaskipti, svipbrigði og andrúmsloft -vinveitt/óvinveitt
      o jafnvægi - jafnt/ójafnt
      o er atferlið endurtekið?

• Viðbrögð
     o bregðast strax við alvöru slag
     o einsemd
     o einelti

• Hvernig

    o Gerandi
          # vera nálægt nemanda sem rætt er við
          # ná augnsambandi
          # tala ákveðið til nemandans
          # stuttorð og ganga út frá atburðinum
          # láta nemandann vita að hegðun hans sé ekki leyfð
          # ekki láta tilfinningar stjórna sér
          # ekki vera með innantómar hótanir

    o Þolandi
         # hlúa að þolanda.
         # láta hann vita hvað var gert.
         # láta hann vita hvað verður gert.

     o Kennari/starfsmaður
        # skráir gulan miða
        # kannar málsatvik, sjá bls. 78 - 80 Olweus
        # fylgist vel með nemendum sem hlut eiga að máli
        # talar við annað starfsfólk og biður það að fylgjast vel með
        # getur lagt tengslakönnun fyrir einstaklinga eða lítinn hóp
        # tekur einstaklingsviðtöl við úrtak nemenda
        # talar við foreldra þolanda til að kanna líðan og fá aðstoð
        # ræðir einstaklingslega við geranda/gerendur
        # hefur samband við foreldra bæði þolanda og geranda
        # lætur vita hvernig skólinn vinnur með málið

     o Stjórnendur
       # ef um alvarleg atvik er að ræða, boða foreldra á fund

Næstu skref ef einelti er staðfest

• Einstaklingsbundnar aðgerðir í eineltismálum
     o Umsjónarkennari
          # tekur einstaklingsviðtöl með öðrum fullorðnum við gerendur sjá bls. 82 í Handbók "Olweusaráætlunin gegn einelti og              andfélagsleg atferli"  Boðskapurinn til þeirra þarf að vera...
          # Við sættum okkur ekki við einelti í skólanum okkar og við munum tryggja að því ljúki
          # Upplýsir ekki geranda hvaðan upplýsingar koma.
             Ef gerandi bendir á fleiri aðila þá þökkum við fyrir þær upplýsingar en leggjum áherslu á að nú verði rætt um hans þátttöku              málinu. Gerandi látinn vita að fylgst verði með honum. Muna að hrósa ef vel hefur tekist til.
             Einstaklingsviðtöl þarf að endurtaka nokkrum sinnum með geranda.
         # Boðar foreldra geranda/geranda til fundar í skólanum eða talar við þá í síma eftir alvarleika málsins. Munið að forðast ásakanir             en leggja málið frekar upp þannig að á ferðinni sé vandi sem þarf að takast á við sameiginlega
         # Tekur einstaklingsviðtal við þolanda í þeim tilgangi að fá upplýsingar um
                * hverjir eru að verki og hvernig – skrá
                * segja þolanda hvernig við ætlum að vinna markvisst að því að stöðva eineltið
                * gefa þolanda tækifæri á því að lýsa líðan sinn.
                * hitta þolandann í nokkur skipti og fá upplýsingar um stöðu mála
          # Ræðir við foreldra þolanda og kannar hvað þeir vita um málið og hvernig við ætlum að uppræta eineltið. Foreldrar fylgjast vel              með líðan barnsins og eru í reglulegu sambandi við kennara.

• Skráning
     o Umsjónarkennari skráir í Mentor hvaða aðgerðir hann framkvæmir. Miðlar til þeirra sem hann telur að þurfi að vita um málsatvik          og aðstoðar við eftirlit og úrvinnslu mála

• Ef aðgerðir bera ekki árangur þarf að:
     o vísa máli til nemendaverndarráðs.
     o tilvísun til sálfræðings ef þarf.
     o kalla til foreldra geranda/gerendur aftur á fund
     o kalla til foreldra þolanda aftur á fund
     o beita geranda/gerendum útilokun í frímínútum.
     o beita einvist - 5 - 15 mín. Segja nemanda frá hvers vegna og hve lengi einvist varir.